‘n Bekende boer van die Tzaneen-omgewing en sy seun is gister middag omstreeks 17:30 op die plaas naby Deerpark aangeval. Die storie kom nog uit, maar volgens die slagoffer was die verdagte gewapen met ‘n “outomatiese aanvalsgeweer.”
Die slagoffers sê dat hy en sy seun geskok is, maar dit gaan goed onder die omstandighede. Volgens die man het hy en sy seun op hul plaas gewerk toe sy seun sy hand met ‘n elektriese slypmasjien beseer het. Hulle het na hul voertuig gehaas om na die hospitaal in Tzaneen te gaan.
Die boer het gesê dat hulle van sy plaas af na die groot pad toe gery het en ‘n man oor die grondpad sien loop het. Toe hy hulle voertuig sien aankom het, het die man in die bosse in gehardloop.
Die boer se verder, en ek haal aan: “Ons het stilgehou om te sien wat aangaan, en dit is toe die skote klap.”
Luister Hier:
