Daar was ‘n oproep van nood van Williston, en Annette het saamgery om uit te help. Ons het nie net erge nood gevind nie, maar meer opsigtig was die gemeenskaplike wil om te help. Annette vertel dat “Trots Afrikaans het vir my ‘n nuwe betekenis nadat ek onlangs die voorreg gehad het om saam met Droogtehulp, ‘n uitreik na die Noord Kaap by te woon.“
Bitter vroeg die oggend van 12 Maart 2021 het bakkies, motors en sowat 11 groot vragmotors byeengekom op Malmesbury in die Wes Kaap, vanwaar die konvooi saam die lang tog Williston toe aangepak het. ‘n Gevoel van eenheid en trots het geheers met almal saam vir een doel, nie net om ons boere te help nie, maar ook vir die behoud van ons nasie. Die voortslepende droogte duur al langer as ses jaar voort, agt jaar in sommige gebiede. Die Karoo, Noord Kaap en Boesmanland word die swaarste getref. Die impak hiervan is meer as wat meeste van ons stedelinge ooit sal besef.
