Valiant Swart praat oor ‘die heruitreiking van Die Mystic Boer’ op LP

Negentien jaar na Valiant Swart se baanbrekersdebuut, Die Mystic Boer, oorspronklik op CD vrygestel is, word dit nou vir die eerste keer as langspeelplaat uitgegee, in samewerking met die Kaapse ontwerpersagentskap (en Valiant-vriende) Cow Africa. Hierdie Hierdie beperkte versamelaaars-oplaag van “Die Mystic Boer” sluit in ‘n hoë-kwaliteit langspeelplaat (180-gram, 33RPM), die klassieke album-omslag, asook ‘n […]

Enjoyed this post? Share it!

 
 

Premier Helen Zille’s colonialism tweets forced her out of the Western Cape legislature on Thursday

During a debate on the impact of gang violence on service delivery in the Western Cape‚ Zille protested to speaker Sharna Fernandez when EFF MPL Bernard Joseph said gangsterism was a result of colonialism‚ “which the premier says is a good thing”.

The premier said: “No one may wilfully and knowingly mislead this house. And anyone who doesn’t know by now what I actually said is wilfully and knowingly misleading this house.”

While taking her seat‚ Zille then shouted “uyaxoka” (“you are lying”) to Joseph‚ prompting a complaint from ANC MPL Pat Lekker.

Zille was asked to withdraw her remark but said her tweets had been clarified numerous times. ANC chief whip Pierre Uys asked Hernandez to force Zille to withdraw‚ because according to the house rules it is unparliamentary for a member to accuse another member of lying.

Zille would not budge but told Fernandez she would leave the legislature “if it would help you”.

Her departure meant the ANC could not get answers from Zille to questions it wanted to ask about the drought‚ the number of white males in the Department of Economic Opportunities, Tourism and Agriculture and communication services in her department.


Enjoyed this post? Share it!

 
 

Vroue deur ‘polisiemanne’ in Oos-Kaap aangeval

Argieffoto

Twee vroue, onderskeidelik 65 en 67 jaar oud, is Maandagaand in Tsomo in die Oos-Kaap doodgeskiet.

“Twee mans, wat hulself as polisiebeamptes van Pretoria voorgedoen het, het een van die vroue se huis betree en versoek om vergesel te word na die tweede vrou se huis,” het kapt. Namhla Mdleleni, woordvoerder van die polisie, gesê. “By die tweede huis het hulle ʼn vuurwapen te voorskyn gebring en die vroue doodgeskiet. Die verdagtes het kort daarna gevlug.”

Die polisie ondersoek twee sake van moord. Die ondersoek duur voort.

Lt.genl. Liziwe Ntshinga, provinsiale polisiekommissaris, het die moorde veroordeel. “Geen steen sal onaangeraak gelaat word nie om seker te maak die oortreders word aangekeer.”

Enjoyed this post? Share it!

 
 

Kortlys vir SABC-raad deels bekend

LP’s het Dinsdag eenparig besluit op 15 name vir ’n kortlys van kandidate wat vir onderhoude moet gaan vir posisies op die SABC se raad.

Verskeie van die verskillende politieke partye se LP’s wat op die portefeuljekomitee vir kommunikasie dien, het dieselfde name voorgestel. Dit sluit die name in van lede van die huidige interimraad, naamlik Khanyisile Kweyama, Mathatha Tsedu, Krish Naidoo, Febe Potgieter-Gqubule en John Mattison.

Die interimraad is geloof vir die werk wat hulle doen om die geloofwaardigheid van die SABC te herstel.

Daar kon saamgestem word op tien ander name wat ook op die kortlys gevoeg is. Dié name is:

– Nomvuyo Batyi
– Rachel Kalidass
– Thabiso Ramotso
– Kharidza Dzudzunga Rufus
– Michael Markovizt
– Willie Currie
– Govinsamy Reddy
– Deenadaylen Konar
– Harriet Meier
– Dawn Earp

Enjoyed this post? Share it!

 
 

Al meer Suid-Afrikaners verval in armoede

Pali Lehohla, die statistikus-generaal, in Pretoria (22 Augustus 2017). Foto: ANA

Pali Lehohla, die statistikus-generaal, het Dinsdag gesê daar is ʼn dramatiese toename in die getal armes in Suid-Afrika, en die omvang van die armoede raak al meer ingrypend.

Lehohla het tydens die bekendstelling van die verslag oor armoede-tendense in Pretoria gesê lae ekonomiese groei en die droogte het baie mense in lewenslange armoede gedompel. Volgens Lehohla is meer as 30 miljoen Suid-Afrikaners arm.

“Ons teiken vir ekonomiese groei is 5,4% per jaar, maar die ekonomie groei nie in daardie rigting nie. Ons het nou twee kwartale van negatiewe groei gehad – dit is ʼn tegniese resessie. Werkloosheid is hoog en ons sien hoe lyk ons kwartaallikse arbeidsmagopname,” het hy gesê.

“Die getal werklose mense neem natuurlik al meer toe soos die bevolking groei. Die getal werkloses het eintlik dramaties toegeneem. As ons die werkloosheid van 2008 met 2017 vergelyk, het die waarskynlikheid om werkloos te bly met 10% gestyg. Daar is dus geen einde in sig vir dit wat die samelewing nou beleef nie.”

Lehohla het gesê die Suid-Afrikaanse sektore se opname-kapasiteit vir die werklose miljoene het aansienlik verminder. “Ons sit met baie ernstige probleme,” het hy gesê.

Volgens StatsSA het armoede in 2015 tot 55,5% gestyg. Dit is gelykstaande aan 30,4 miljoen mense. “Die getal mense wat onder die 2015-broodlyn van R441 per maand leef het met 2,8 miljoen toegeneem, vanaf 11 miljoen in 2011 tot 13,8 miljoen in 2015,” het hy gesê.

Die verslag toon ook die mees weerlose van die armes is kinders van 17 jaar of jonger, vroue, swart Suid-Afrikaners, mense wat in plattelandse gebiede woon, inwoners van die Oos-Kaap en Limpopo en mense met min of geen onderrig.

Die verslag wat Dinsdag vrygestel is, is getiteld “ʼn Ondersoek van absolute armoede tussen 2006 en 2015”. Armoede-ramings is noodsaaklik om vordering te monitor en te bepaal, en om die armoede-teikens te bereik wat in die regering se Nasionale Ontwikkelingsplan en die Verenigde Nasies se Volhoubare Ontwikkelingsdoelwitte uiteengesit is.

Enjoyed this post? Share it!

 
 

‘Afrikaans hou Tulbagh-leerders in asbesskool’

Hoërskool Waveren. Foto: Verskaf.

Leerders van ʼn oorvol Afrikaanse skool in Tulbagh gaan in asbesklaskamers skool terwyl ʼn nuwe skool wat teen R71 miljoen net buite die dorp gebou is, glo halfleeg staan.

Volgens Jaco Prins, die VF Plus se organiseerder in die Wes-Kaap, staan die skool buite die dorp half leeg aangesien Xhosa en Engels as voertaal gebruik word, en die gemeenskap van Tulbagh oorwegend Afrikaanssprekend is.

Prins het gesê volgens die webwerf van die Wes-Kaapse onderwysdepartement is daar plek vir 1 250 leerders in die nuwe skool met sy meer as 28 klaskamers. “Omdat daar egter so min Xhosa-sprekende leerders in en om Tulbagh is, is daar tans net sowat vyfhonderd leerders in die skool, en baie van hulle word met busse van elders aangery,” het Prins gesê.

Prins meen daar is groot ongelukkigheid onder veral die bruin gemeenskap van Tulbagh. “Hulle sê Afrikaanssprekendes maak 95% van die gemeenskap uit en dat dit die departement se eerste prioriteit moet wees om hul kinders uit die gevaarlike omstandighede van die asbesskool te verwyder.”

Prins het gesê volgens die gemeenskap is baie beloftes oor die jare gemaak dat die asbesskool vervang sou word, maar het dit nooit gebeur nie. Daar is ook groot ongelukkigheid oor die Wes-Kaapse onderwysdepartement wat volgens die gemeenskap nie met hulle oor die aangeleentheid kommunikeer nie.

Laerskool Lingomso. Foto: Verskaf.

“Dit is totaal onaanvaarbaar dat leerders enigsins nog in asbesklaskamers moet skoolgaan. Die VF Plus dring daarop aan dat die onderwysdepartement daad by woord begin voeg en behoorlik met Tulbagh se gemeenskap kommunikeer oor presies wanneer die twee nuwe Afrikaanse skole opgerig gaan word,” het Prins gesê.

Jessica Shelver, woordvoerder van die Wes-Kaapse departement van onderwys, het egter gesê die VF Plus se inligting is onakkuraat. “Dit is ʼn desperate poging om die Afrikaanse stem in Tulbagh te wen. Ons moet sosiale kohesie bevorder en nie verdelings langs kleurgrense nie.”

Shelver het gesê dit is onwaar dat Hoërskool Waveren (die Afrikaanse skool) te veel leerders het. “Die verhouding van onderwyser teenoor leerders is tussen 1:35 en 1:37. Ons het baie skole waar die verhouding veel hoër is.”

Volgens Shelver was dit nodig om ʼn skool te bou vir leerders wat ʼn behoefte het aan Engelse en Xhosa-onderrig, omdat daar nie so ʼn fasiliteit in die omgewing was nie. “Dit het tot gevolg gehad dat honderde leerders ver afstande per bus na omliggende dorpe moes reis. Die skool is besig om vinnig vol te raak omdat die behoefte vergroot. Dit is algemene praktyk om die inname van nuwe leerders in fases te doen, beginnende by die laer grade,” het Shelver gesê.

Shelver het ook bygevoeg asbesklaskamers is nie gevaarlik tensy dit beskadig is nie. “Ons gaan egter instandhoudingswerk by Waveren doen en die Gekombineerde Skool Tulbagh  uitbrei,” het Shelver gesê.

Die beraamde koste is R72,5 miljoen.

Enjoyed this post? Share it!

 
 

Knysna-brande: Nuwe verslag bevestig wat inwoners sê oor ontstaan

dr-david-klatzow-2017-08-22-deur-rozier-van-tonder

Dr. David Klatzow by die bekendstelling van die verslag oor die ondersoek na die ontstaan van die Knysna-brande wat hy vir AfriForum gedoen het. Foto: Rozier van Tonder/AfriForum.

Dr. David Klatzow se verslag oor sy ondersoek na die ontstaan van die verwoestende Knysna-brande het dít wat talle inwoners oor die oorsprong van die brande gesê het, opnuut bevestig.

Hy het bevind die westelike brand in Knysna, wat in die Elandskraal-omgewing naby die Karatararivier ontstaan het, is op 12 April deur ʼn weerligstraal veroorsaak.

Klatzow, ʼn forensiese wetenskaplike met meer as 32 jaar se ondervinding, het in opdrag van die burgerregte-organisasie AfriForum ʼn deeglike ondersoek oor dié brande gedoen in Knysna. Die verslag, wat ook die brande in Mosselbaai, Pezula en Plettenbergbaai bespreek, is Dinsdag by Forum Films se kantore in Centurion bekend gestel.

Maroela Media het vroeër berig oor Morné Jonker en dr. Wallace Vosloo, inwoners van die omgewing, wat deurentyd voet by stuk gehou het dat die brand in die Elandskraal-omgewing veroorsaak is deur iets soos ʼn weerligstraal wat in April die onderbos in die inheemse woud laat vlam vat het. Die inwoners het toe gesê die onderbos in ʼn woud kan lank lê en smeul. Hierdie smeulende kompos kan die wortelstelsel van die bome in kole omskep en ʼn sterk wind kan dit weer vinnig laat vlam vat.

Volgens Klatzow het die eerste brand, wat van die oostekant van Knysna gekom het, by Dam-se-Bos ontstaan en is dit deur menslike aktiwiteite veroorsaak, maar brandstigting word ook nie enigsins in dié geval vermoed nie.

“Die brande by Pezula was ʼn uitvloeisel van die brande by Dam-se-Bos en Elandskraal. Die Elandskraal-brand het oor die westelike gedeelte van die Knysna-strandmeer na Pezula gespring. Die brande aan die westelike gedeelte van die Knysna-strandmeer, wat skade aan Brenton-on-Sea en langs Buffelsbaai aangerig het, was ʼn uitvloeisel van die Elandskraal-brand.

“Die brande by Dam-se-Bos en Pezula het na Plettenbergbaai versprei. Daar was egter ook twee ander brande in die omgewing. ʼn Boom in ʼn plantasie het op ʼn Eskom–kragdraad geval en ʼn brand het ontstaan. Nog ʼn brand is per ongeluk deur ʼn inwoner in ʼn informele nedersetting begin,” het hy gesê.

Die brande is verder aangevuur deur buitengewone klimaatsomstandighede soos lae humiditeit, die droogte wat die gebied teister en sterk winde.

Klatzow het egter sy kommer oor die Mosselbaai-brande uitgespreek. “Die brande hier is gestig en kan moontlik verband hou met onluste wat van tyd-tot-tyd verbind word met ongelukkigheid oor dienslewering.” Die polisie het glo geweier om die klagtes van brandstigting wat by die plaaslike AfriForum-tak ingedien is te ondersoek.

Beide Klatzow en Ernst Roets, adjunk uitvoerende hoof van AfriForum, het bevestig dit was vir hulle belangrik om die ondersoek te doen om die ontstaan en oorsprong van die verwoestende brande te bepaal. Só kan verseker word dat stappe in plek gesit word om ʼn soortgelyke ramp in die toekoms te voorkom.

“Verder was daar ook baie vroeg reeds gerugte dat die Knysna-brande kwaadwillig gestig is en ʼn politieke ondertoon gehad het. Dit was vir my persoonlik nodig om by die waarheid uit te kom omdat hierdie soort bewerings uiters plofbaar is in die situasie waar die land se jong demokrasie homself nou bevind,” het Klatzow bygevoeg.

AfriForum het reeds die bevindinge in die verslag met Helen Zille, premier van die Wes-Kaap, bespreek en in ʼn skrywe aan die Wes-Kaapse regering ʼn versoek gerig dat ʼn kommissie van ondersoek ingestel word om die bevindinge verder onder die loep te neem.

“Ons sal graag met die owerhede wil gesels oor die bevindinge van die verslag. Dit sal ook goed wees as die verslae van die Knysna-munisipaliteit met dié van drs. Wallace Vosloo en Klatzow, asook die provinsiale verslag wat nou gedoen word, vergelyk word.”

Klatzow het gesê daar is ook reeds heelwat lesse wat uit die Knysna-brande geleer kan word.

“Alle brande moet ernstig opgeneem word. Ek weet nie of daar in hierdie geval burokratiese rompslomp was nie, maar ek sou aanbeveel dat owerhede eerder moeite doen om rook te ondersoek as om te wag en net op te tree as daar eers vlamme opgemerk word.

“Verder sou ek ook aanbeveel dat daar meer geld begroot word vir brandbestryding deur vliegtuie en helikopters, terwyl daar ook ernstig gekyk moet word na die beheer van uitheemse plante wat makliker en vinniger brand,” het hy bygevoeg.

  • Klik op die skakel om die volledige verslag af te laai.
  • Lesers wat ʼn bydra wil maak om die mense van Knysna en ander rampe te ondersteun kan ʼn bydra aan AfriForum se noodfonds maak deur noodfonds.co.za te besoek of die woord NOOD na 38312 te SMS. SMS’e kos R10.00

Enjoyed this post? Share it!